BalkanStoryMap është një platformë që prodhon dhe grumbullon tregime për Ballkanin të organizuara brenda formatit të Storymap. Këto ‘Storymaps’ integrojnë harta interaktive, tekst, imazhe, elemente multimedia dhe një arkiv të dedikuar.

Fillojmë me premisen që çdo vend ka një tregim të veçantë. Nga kjo pikënisje, thellohemi në dimensionet e tregimeve brenda hapësirave fizike. Duke lidhur të kaluarën me të tashmen, eksplorojmë proceset sociale që i formësojnë këto hapësira dhe tentojmë të zbulojmë njohuri të rëndësishme për sfidat e sotme.

Në këtë platformë, do të keni mundësinë të eksploroni rezultatet e punës sonë, ndërsa procesi i krijimit zhvillohet në sfond. Kjo përfshin mbështetje për bashkëpunimin ndërkufitar, bursa kërkimore, programe mentorimi dhe bashkëprodhim shumëdisiplinar, njëkohësisht synojmë ta transformojmë BalkanStoryMap në një platformë dinamike dhe bashkë-krijuese. Qëllimi ynë është të theksojmë ruajtjen e trashëgimisë kulturore, t’i ruajmë historitë e panjohura dhe t’i veçojmë ndërtesat arkitekturore që shpesh janë anashkaluar.

Mendoni për këtë platformë si një mbajtëse të këtyre tregimeve por dhe si një pikënisje për biseda dhe procese të reja të investigimit.

BalkanStoryMap është pjesë e programit “Kultura dhe Kreativiteti për Ballkanin Perëndimor,” i financuar nga Bashkimi Evropian. Ky projekt është një nga iniciativat e zgjedhura për financim nën dritaren tematike të Bashkëprodhimeve Artistike të projektit Kultura dhe Kreativiteti për Ballkanin Perëndimor.

Kultura dhe Kreativiteti për Ballkanin Perëndimor (CC4WBs) është një projekt i mbështetur nga Bashkimi Evropian që ka për qëllim të nxisë dialogun në Ballkanin Perëndimor duke përmirësuar sektorët kulturorë dhe krijues për të arritur një ndikim më të madh socio-ekonomik.

Dizajni grafik dhe zhvillimi i uebit: Trembelat + Sap_