Kriza e banimit është tema e epokës sonë, nga mungesa e shtëpive të përballueshme deri te kushtet e pajetueshme të banimit. Tranzicioni dhe ekonomia neoliberale në Ballkan kanë lënë shumë njerëz në një pozicion të pasigurt në lidhje me banimin e tyre.

Nëpërmjet Banim+, ne synojmë të eksplorojmë evolucionin social, kulturor, ekonomik, urban dhe arkitektonik të banesave kolektive (masive) gjatë ndërtimit të tij në gjysmën e dytë të shekullit të 20-të, veçanërisht zhvillimin e tij përgjatë linjave moderniste. Ndërtesat dhe blloqet e banimit janë vendet e ndërveprimeve të para sociale, të pasura me narrativa shpesh të padukshme që kanë formësuar thelbin e identiteteve të lagjeve. Si pjesë e rëndësishme e trashëgimisë arkitektonike të shekullit të 20-të, ato janë pjesë përbërëse e mozaikut më të gjerë kulturor të Kosovës dhe Malit të Zi dhe bartëse të vlerave të përbashkëta.

Mbledhja e shtresave të ndryshme të të dhënave rreth banesave kolektive lejon krijimin e tregimeve të reja që na mundësojnë të kuptojmë më mirë dhe të mësojmë më shumë nga përvojat gjithnjë e më të vlefshme të së kaluarës. Nëpërmjet Banim+, ne synojmë t'i nxjerrim në dritë këto histori, duke rritur njohuritë tona për të kaluarën dhe ndikimin e tyre në rrethanat tona aktuale të banimit.

Duke reflektuar mbi të kaluarën, ne synojmë të gjejmë shtigje për të përmirësuar të ardhmen.

Programi ofron një praktike katër-mujore të aplikuar ndërmjet Podgoricës dhe Prishtinës. Ai mbështetet nga mësimi i bazuar në punëtori dhe mentorimi rreth hulumtimit dhe tregimit kreativ. Programi kërkon të stimulojë zhvillimin e përmbajtjes dhe shkëmbimit rajonal me fokus në trashëgiminë arkitektonike.

Ai fillon me një puntori 4-ditore në Podgoricë, Mali i Zi. Gjatë punëtorisë së parë, pjesëmarrësit, të udhëhequr nga mentorja e tyre, do të përshkruajnë përmbajtjen e tregimit Banimi+ përderisa zgjedhin temën e tregimit të tyre. Në mes të punëtorive, secili pjesëmarrës do të kryejë kërkime dhe do të mbledhë të dhëna për tregimet e tyre deri në punëtorinë e dytë në Prishtinë, ku ata do të punojnë në redaktim dhe finlizim të tregimit.

Çdo tregim do të shfaqet në  Banim+ Storymap dhe do të publikohet në platformën dixhitale BalkanStoryMap. Programi do të përfundojë me ngjarjen e prezantimit të platformës dixhitale BalkanStoryMap.

Ne mirëpresim pjesëmarrës me prapavija të ndryshme. Ju mund të jeni praktikues në planifikim urban, arkitekturë, sociologji, antropologji, gazetari, apo edhe dokumentues, përderisa keni përvojë në hulumtim dhe shkrim.

Nuk është e obligueshme që ju të jeni duke punuar direkt në shkrime. Ajo që ka më shumë rëndësi për ne është se ju jeni kurioz dhe të guximshëm për të menduar jashtë kornizave kur bëhet fjalë për të treguar histori. Ne jemi në kërkim të individëve që janë të gatshëm të bashkëpunojnë me njerëz me prapavija të ndryshme dhe të përkushtuar ndaj disiplinës së shkrim-tregimit.